位置主页 > 相关信息 >观塘工厦 觅食 心机手作港式串烧 @ Dining娜

观塘工厦 觅食 心机手作港式串烧 @ Dining娜

作者 时间:2020-08-05 阅读次数:906
(presented by 鲜.港式串烧吧)

身边朋友都知我Dining娜係吃货一名,特别锺情有香港特色之餐厅,更不惜走匀大街小巷,今次趁住入冬后寒流驾到,陪住我班闺密去 观塘工厦 为转装入货,入齐冬季新装和韩国护肤品,梗要医医肚、暖暖胃啦。行到骆驼漆第三期5楼呢一层,传嚟阵阵烧物香气,即时食指大动,点都要试试先。

观塘工厦 港式串烧

入到去呢间餐厅装潢有格调,仲够晒宽敞坐得舒适嘅港式 串烧 店,即时问问有咩招牌推介先。店主林生正同熟客们闲聊介绍紧新推海鲜拼盘,我同班姊妹们当然唔会错过啦,呢份特选海鲜盘有齐琵琶虾配自家製沙律酱汁、鲜鲍鱼、花螺、大蚬及蓝青口五款海产,刚好啱晒我哋三个女仔Share份量,都不过係 $300有找,而且仲好新鲜,听店主介绍仲係全部飞机货直送,唔怪得咁鲜甜啦!

观塘工厦 觅食 心机手作港式串烧 @ Dining娜
特选海鲜盘 $288/份

呢间主打海产同港式口味串烧店,原来由同样锺意饮食嘅店主夫妇主理,佢哋不时亲自试味同钻研新口味 串烧 ,坚持只从本地鱼市场及自家经营优质肉食入口店入货,货源同品质有一定保证,唔怪得价钱仲比一般餐厅相宜啦。

继而梗要试埋店内另一主打主厨落单嘅即开生蚝,由师傅严选当日时令靓蚝,仲会由顺时针淡至浓味咁排列好,无论锺情海水味较重,抑或独爱肥美大只都会逐一推介,够晒贴心有意思,我班闺密姊妹即时心心眼晒啦。

观塘工厦 觅食 心机手作港式串烧 @ Dining娜
生蚝($228/半打、$420/一打、$40-55/只)、芥末冻花螺 $48/份

然后到入戏肉即叫即烧嘅 串烧 啦,三心两意嘅我哋,单睇餐牌已经好多款想试,腐乳鸡串、川辣鸭舌、鸡泡鱼乾、烧青瓜等好创新独有喎。首先试嘅烧鱿鱼即叫即烧,火候控制得刚刚好,很有小时候港式风味。烧白鳝串好有惊喜,大大嚿原条自家起肉串成,极考心机之作,白鳝就烧到刚刚熟透,入口啖啖肉外仲保持juicy鱼香,好满足!而厚切牛脷更加製作考工夫,每条牛脷只严选仅余最嫩部分,厚切后即烧仍然保持多汁够腍滑,啖啖肉好治癒!

观塘工厦 觅食 心机手作港式串烧 @ Dining娜
烧鱿鱼$88/份、烧白鳝串$58/串、厚切牛脷串$58/串

店内仲有好多创意独特口味一定要试。估唔到串烧店都有正宗腊味饭,用已浸好生米即叫即製,成碗都有饭焦,食完够晒暖笠笠呀!仲有芝士控不能错过嘅板烧芝士捞麵,极有韩式风味。

观塘工厦 觅食 心机手作港式串烧 @ Dining娜
锅仔腊味饭 $88/份、板烧辣味芝士捞麵 $78/份、水果花茶

最后梗要满足埋我哋女士们为甜品迷嘅需要,呢份即焗嘅半溶化棉花糖混入香软班戟度一齐入口,简直令我同班姊妹们都感受到嗰份满足幸福感呀;食埋呢个即炸香蕉,皮薄香脆,热辣辣,超正!

观塘工厦 觅食 心机手作港式串烧 @ Dining娜
炸香蕉 $22/份、棉花糖班戟 $38/份

观塘工厦 觅食 心机手作港式串烧 @ Dining娜观塘工厦 觅食 心机手作港式串烧 @ Dining娜

呢个Corner够晒正,再试埋朱古力炭烧啤、加拿大蜜糖啤、菠萝啤配住串烧同海鲜係咪perfect match呢!餐厅附近有特色手工啤、日本清酒同红白酒任意选购。

鲜.港式串烧吧

地址:观塘开源道60号骆驼漆大厦3座5楼P室 (显示地址)

电话:23388817

营业时间:星期一至五 5:30pm-12:30am

星期六 3:30pm-12:30am

星期日 2:00pm-11:00pm

相关的推荐阅读
最新信息
热门文章
热门问答